Lagom Kaffe (已結業)

今日同朋友一齐去左观塘嘅Lagom Kaffe食晚餐，由观塘站或者巴士站行过去都好近，位置就脚。餐厅位于一楼，地方好大，仲有室外座比主人带埋宠物一齐用餐。晚上有二，三人餐set dinner。我地今次就单点黎食，用QRcode落单。我地叫左台湾风味牛肉千层面，法式红酒牛面肉炖饭，饮品叫左一杯ice café latte, 一杯café Tonic.台湾风味牛肉千层面，餐牌写左固定辣度，但食落系好微好微嘅一点辣，就算完全唔食得辣我觉得都可以一试，食落好惹味，牛肉酱每层分布平均，酱汁味道啱啱好。千层面唔会硬或者韧，芝士量够但唔会过多，每啖咬落都食到哂所有味道，好好食！而法式红酒牛面肉炖饭，面头加左d焗干嘅藜麦，咬落卜卜脆。牛面肉有四件厚切，非常入味，咬落肉质软嫰，好绵，仲好有肉汁。炖饭饭粒粒粒分味，配上香浓红酒汁亦唔会太腻。饮品方面ice café latte幼滑香浓café Tonic饮落清新，好够汽泡。无论多人，少人定有宠物，Lagom都系聚会嘅好地点！