豪隍點心工房

营业中

休息中

8点先收工，忽然好想食点心，谂起屋企附近有间豪隍深受街坊支持，一于一支箭飞去食。去到门口哥哥仔提示仲有5分钟last order，9点要离座，惊我叫唔切食唔切，放心，我好肚饿，一定赶到😂 叉烧肠粉：唔差又唔会哗一声𠮶只，我钟意嘅肠粉要薄、滑同有靭度，呢度算薄、普通滑、冇靭性，已经预切好，趁热一啖一件感觉到诚意。点心拼盘：两粒虾饺，2粒粉果，1个叉烧包、一个流沙包。虾饺好大只，不过虾唔爽口，反而粉果唔错。另外叉烧饱同流沙饱啱啱蒸好又细只，所以好软熟，包同馅比例啱啱好，好满足。9点前饮多几杯铁观音就走啦，唔好阻住职员收工呀嘛。