程班長台灣美食 (已結業)

“程班长”呢间餐厅听就听过好多次,黎食都系第一次。估唔到平日既晚上都咁多人。一去到都已经有十几个人系出面排队。有个台湾店员黎招待。拎完飞要齐人先入得。呢到点菜系自己去收银点,之后拎个号码牌。佢再等送D野食比你。不过要自己去拎餐具哦。个红烧牛肉牛筋面几好食,不过就油左少少。同埋碗面唔算好大碗。佢D刀削面真系几好食。另外嗌左个蛋卷。D芝士溶哂好好味, 不过都系油左D。另外叫左个芋圆。有D失望,D芋圆好似未熟透咁,麻麻地。个黑糖糖水底都无咩特别。反而朋友仔饮既冬瓜茶几吸引!不过呢到唔系FOR坐得耐。如果你系LCK附近想快食,都可以考虑呢间。