影片
更多
2016-05-14
172 浏览
随着旧区重建，昔日既唐楼开始逐渐变成新式既住宅大厦。一直俾人旧区、「草根」感觉既长沙湾近年多左唔少新派精致餐厅进驻，唔再系茶餐厅、「粥粉面饭」等等之流。位处福荣街既法国餐厅小店「Oui Oui Bistro」非常特别，黑色皮梳化、昏暗浪漫既灯光，以至灰色既水泥feature wall同附近既环境总系格格不入，令呢间隐世小店更加突出！一入小店就得到主厨Jeff既热情款待，从言谈间可以感受到佢对烹饪既passion。曾于澳洲工作既佢因热爱烹饪，所以毅然放低工作前往法国蓝带厨艺学院进修，毕业后亦曾于中上环一带既高级餐厅实习，呢个branding唔驶问对食物质素相当有保证啦！至于喺长沙湾、荔枝角一带开餐厅既原因系希望可以借此减低舖租既支出，将更多成本投入食材方面，非常有心！Mini Pork Crepe ($128): 切到一粒粒既西班牙黑毛猪先放入crepe裹面，然后再淋上一个由HP Sauce、BBQ Sauce同埋cider捞埋一齐炮制而成既酱汁，再喺上面放上青瓜丝同椰菜丝，感觉有D似食北京填鸭时既感觉，将西式既烹调手法配合中式既presentation呢个fusion真系好特别！Foi
一入小店就得到主厨Jeff既热情款待，从言谈间可以感受到佢对烹饪既passion。曾于澳洲工作既佢因热爱烹饪，所以毅然放低工作前往法国蓝带厨艺学院进修，毕业后亦曾于中上环一带既高级餐厅实习，呢个branding唔驶问对食物质素相当有保证啦！至于喺长沙湾、荔枝角一带开餐厅既原因系希望可以借此减低舖租既支出，将更多成本投入食材方面，非常有心！
Mini Pork Crepe ($128): 切到一粒粒既西班牙黑毛猪先放入crepe裹面，然后再淋上一个由HP Sauce、BBQ Sauce同埋cider捞埋一齐炮制而成既酱汁，再喺上面放上青瓜丝同椰菜丝，感觉有D似食北京填鸭时既感觉，将西式既烹调手法配合中式既presentation呢个fusion真系好特别！
Mini Pork Crepe
$128
8 浏览
0 赞好
0 留言
Foie Gras Creme Burlee ($128): 平时食甜既Creme Burlee就食得多，但咸既都系第一次食。Creme Burlee裹面鹅肝同蛋既比例大约四比一左右，Jeff表示呢个比例能够食到Foie Gras既感觉之余又唔会比佢喧宾夺主。当混合埋最上面果层混合左松露既焦糖一啖咬落去既时候，浓香喺嘴裹面久久不散！
Foie Gras Creme Burlee
$128
14 浏览
0 赞好
0 留言
Lobster Risotto
$248
14 浏览
0 赞好
0 留言
Chicken & Scallop Roll ($248): 鸡卷裹面既既stuffing 包括scallop同埋鱼等等既材料，入口时口感有D似薯蓉，但原来其实系由moose做既，系一个十分多功夫既菜，鸡卷外面煎香之余裹面却非常软滑，对厨师既技巧同经验既要求都好高！
Chicken & Scallop Roll
$248
9 浏览
0 赞好
0 留言
Banana & Hazelnut Crepe ($88): 由于整个准备过程都系喺bar枱后面进行，所以可以睇得一清二楚。榛子酱加香蕉呢个combination虽然看似common，但有时越简单既野反而越难整，对厨师既技巧要求非常高！我特别钟意crepe表面上既杏仁，同我旧年喺Paris街头食果个真系几乎一模一样！
Banana & Hazelnut Crepe
$88
8 浏览
0 赞好
0 留言
Poire au vin Rouge ($88): 呢个法国经典名菜相信唔驶点介绍，不过由于要30分钟时间准备既关系，想食既朋友记住要预早讲定呀！呢道非常传统既法式甜品做法非常复杂，首先将cinnamon、rosemary、bay leaves同埋pepper等等既香料混合红酒浸overnight，再喺食之前三十分钟再攞返出黎煮30分钟。一刀切落去既时候好明显见到佢非常「入味」，唔知系咪因为用左红酒既关系，食到尾声既时候不知不觉间有D醉意，绝对系conclude呢一晚咁高质素既盛宴既最佳选择！
Poire au vin Rouge
$88
8 浏览
0 赞好
0 留言
总括黎讲，呢度无论食物质素、服务态度，以至对食材既认识等等既「细微位」同港岛中上环、SOHO一带之流相比绝对有过之而无不及！除左食物质素之外，Chef同客人既engagement喺fine dining黎讲都非常重要，即使星级酒店有时都未必做到呢一点！我非常欣赏呢度贯切「less is more」既精神重质不重量，务求同每一位客人都会有互动，相信假以时日呢度必定会成为香港另一个fine dining既landmark！P.S. 想食D唔同菜式既朋友最好先同餐厅pre-order咁就唔驶失望啦！
张贴
