影片
更多
2022-10-07
124 浏览
大闸蟹当造季节又到啦，大闸蟹放题就啱晒好钟意食大闸蟹嘅我！放题时间两小时，平日$498/位，五、六、日及公众假期都只系 $528，除咗任叫大闸蟹，仲有多款小菜、主食、甜品、啤酒、汽水，抵食。最大特色系有【清蒸】、【油盐焗】、【花雕蒸】三款口味嘅大闸蟹可以拣，无咁单调。落完order等蒸蟹嘅时间，店员先送上每位一客嘅【和味鲍鱼伴秋葵】、【花胶向螺鸡汤】。鲍鱼用和风矶煮，鲍鱼爽弹，酱油亦好入味，再加清爽秋葵，作为开胃菜一流；炖汤足料有花胶，我钟意饮汤，啱晒~小菜方面，【京式片皮鸭】当然系回本之选，鸭肉肥瘦适中，不过我哋无食太多，留力食蟹。另外仲有【腊味糯米饭】，不过秋风未起，等到下次天气冻啲再去食先叫。大闸蟹到啦，我哋三款都叫晒嚟试。食大闸蟹最紧要系蟹膏啦，只只都算多膏，而且多数系软膏添，食落更加滋味，蟹肉亦都鲜甜。口味方面，我原本最期待【花雕蒸】，可惜呢次花雕嘅味道比较淡；好在【油盐焗】有惊喜，焗得几入味惹味，食完仲吮埋手指添。最后就到甜品，但今日竟然无姜茶蕃薯供应，食大闸蟹饮姜茶驱寒是常识吧……连养颜枣皇糕都冇……最后叫咗个做香芒冻布甸，竟然有好多芒果肉👍🏻
放题时间两小时，平日$498/位，五、六、日及公众假期都只系 $528，除咗任叫大闸蟹，仲有多款小菜、主食、甜品、啤酒、汽水，抵食。
最大特色系有【清蒸】、【油盐焗】、【花雕蒸】三款口味嘅大闸蟹可以拣，无咁单调。
落完order等蒸蟹嘅时间，店员先送上每位一客嘅【和味鲍鱼伴秋葵】、【花胶向螺鸡汤】。鲍鱼用和风矶煮，鲍鱼爽弹，酱油亦好入味，再加清爽秋葵，作为开胃菜一流；炖汤足料有花胶，我钟意饮汤，啱晒~
小菜方面，【京式片皮鸭】当然系回本之选，鸭肉肥瘦适中，不过我哋无食太多，留力食蟹。
另外仲有【腊味糯米饭】，不过秋风未起，等到下次天气冻啲再去食先叫。大闸蟹到啦，我哋三款都叫晒嚟试。食大闸蟹最紧要系蟹膏啦，只只都算多膏，而且多数系软膏添，食落更加滋味，蟹肉亦都鲜甜。
口味方面，我原本最期待【花雕蒸】，可惜呢次花雕嘅味道比较淡；好在【油盐焗】有惊喜，焗得几入味惹味，食完仲吮埋手指添。
最后就到甜品，但今日竟然无姜茶蕃薯供应，食大闸蟹饮姜茶驱寒是常识吧……连养颜枣皇糕都冇……最后叫咗个做香芒冻布甸，竟然有好多芒果肉👍🏻
张贴
