麥當勞

营业中

休息中

最近出咗 LINE系列，我系粉丝，忍唔住点都系朝圣一下，买咗环保袋同埋公仔，跟手又去用我张抵食卡。咁多个配搭我都系钟意食Double新地，麦旋风我以前好少食，而家我就成日食，今次有啲新意思，就系配搭苹果批，今日冇食晏昼，所以下午茶可以食两份。收银小姐好有心咁问我试唔试新嘅芋头批。我见人哋个包装咁可爱，又即刻应承。依家麦当劳嘅问题系，冇一次嘅雪糕够硬净，成日摆一轮先比客人，每次都系食半溶嘅雪糕，不提也罢。又唔可以多花生，所以比以前退步。但我绝对唔会投诉，因为我今次都系用＄16食三样嘢苹果批热辣辣，味道正宗。香芋批啲紫色就有啲浅色，可能我用紫薯嘅color同佢比较啦! 味道又比较淡，唔突出！