影片
更多
2020-07-01
2794 浏览
虽然市面上饮食市场已经大致回复正常，但系香港嘅自助餐好多地方依然实行半自助餐制。呢个group嘅半自助餐都试过几次，有朋友约，又唔使自己谂，又有得食，最好。于是这晚便来到位于香港仔嘅Lis cafe。当然自助餐从来都唔系啲乜嘢精美好食嘅嘢，讲嘅系抵唔抵食，值唔值得去。刺身及寿司当然有提供，三文鱼、甜虾、吞拿鱼和不同的杂锦寿司也有提供，全部卖相都唔错，而且加单都快，又唔会有漏单嘅情况。外边嘅前菜，海鲜都有不少选择，不过今次来嘅重点反而系佢嘅主菜，当然如果一定要推介，一定不能错过佢嘅冻虾同蟹脚，我都食左几碟，只不过，挂住食无影相啦。主菜从来都系半自助餐嘅重点，当晚人多就可以食不同类的主菜，而且朋友选这餐厅嘅原因就系因为话啲主食好食，不如黎睇下有乜食。先讲的一定系烧美国西冷扒配松露肉汁，应该系好多人嘅选择，西冷够大块，当然唔会同你讲好似出面lawry一样咁好食咁夸张，水准比平时嘅港式嘅扒餐好两个层次吧。朋友的烧澳洲羊架配迷迭香肉汁，非常精彩，个羊有少少羊膻味，而且烧得刚刚好，咬下去有肉汁四射，如果有机会你嚟到又吃羊嘅话，一定要食呢个主菜。焗法国黄春鸡配蘑菇肉汁，睇个样麻麻，不过吃落去又不错，
呢个group嘅半自助餐都试过几次，有朋友约，又唔使自己谂，又有得食，最好。
于是这晚便来到位于香港仔嘅Lis cafe。
当然自助餐从来都唔系啲乜嘢精美好食嘅嘢，讲嘅系抵唔抵食，值唔值得去。
刺身及寿司当然有提供，三文鱼、甜虾、吞拿鱼和不同的杂锦寿司也有提供，全部卖相都唔错，而且加单都快，又唔会有漏单嘅情况。
外边嘅前菜，海鲜都有不少选择，不过今次来嘅重点反而系佢嘅主菜，当然如果一定要推介，一定不能错过佢嘅冻虾同蟹脚，我都食左几碟，只不过，挂住食无影相啦。
主菜从来都系半自助餐嘅重点，当晚人多就可以食不同类的主菜，而且朋友选这餐厅嘅原因就系因为话啲主食好食，不如黎睇下有乜食。
先讲的一定系烧美国西冷扒配松露肉汁，应该系好多人嘅选择，西冷够大块，当然唔会同你讲好似出面lawry一样咁好食咁夸张，水准比平时嘅港式嘅扒餐好两个层次吧。
朋友的烧澳洲羊架配迷迭香肉汁，非常精彩，个羊有少少羊膻味，而且烧得刚刚好，咬下去有肉汁四射，如果有机会你嚟到又吃羊嘅话，一定要食呢个主菜。
焗法国黄春鸡配蘑菇肉汁，睇个样麻麻，不过吃落去又不错，黄春鸡鸡肉都几嫩，吃到嘅系鸡嘅油香，又系个句 以自助餐餐厅水准真系算不错了，如果你期待以为自己会吃到Louise嘅质素，人黎，不如带你上房训下觉先。
爱鱼嘅人一定会食呢个清蒸老虎斑，仲会送碗白饭俾你，餐桌上有两位爱鱼嘅女士都赞不绝口，不用5分钟就将全条鱼食到得番棚骨，我个人麻麻，不过简单鱼肉送上蒸鱼豉油，成件事好住家，想到了黎明首《顾家》。
我自已私心可能太钟意食海鲜，香煎大虾配蒜香牛油汁举脚说好，好正，大虾够大只，而且蒜香牛油汁做得好好，唔会太咸太过火，令只虾味道提升不少。
不过，啱啱赞完呢度海鲜好，姜葱炒新鲜八头鲍鱼就有点失望，鲍鱼够大都应该几靓，但问题系蒸过咗火，赞得多真系唔好，但如果你对饮食唔讲究，你觉得自助餐冇所谓啦，都可以接受嘅。
甜品方面，哈根大师雪糕当然是走唔甩，其他包括有云石芝士饼、荔枝布甸、咖啡朱古力布甸、士多啤梨布甸、香蕉蛋糕、士多啤梨慕丝蛋糕、北海道全脂牛奶布甸、鲜果焦糖炖蛋、杂果啫喱、软朱古力蛋糕、红菜头菠萝啫喱、朱古力慕丝、蓝莓蒟蒻果冻及甘笋姜果冻配菠萝汁等等，完全系花多眼乱，任你攞，而且抢手项目如咖啡朱古力布甸好快都有refill ，以服务质素来讲，一点也不差。
总括来说，以半自助餐嘅质素，一个相对唔太贵嘅价钱，一班人食下倾吓玩下开心下系值得嘅，特别系南区嘅朋友咁方便，系不错选择啦。
LIS Café
香港仔黄竹坑道55号如心南湾海景酒店P3楼
张贴
