影片
更多
2018-08-12
1733 浏览
庆祝老公生日，去酒店食意大利餐~预早订位可以要求甜品加朱古力牌写名。又可以要求窗边位置。虽然无景睇但可以增加私隐度唔驶俾咁多张枱围住。餐厅几好情调，但当晚有枱一家十口有大有细，比较嘈。而且酒店来讲枱与枱之间有啲近。值得一提系餐厅员工服务殷勤，笑容可掬。因为第一次帮衬，好懒咁叫咗个Tasting Menu($1380一位)。我无饮酒，净系饮暖水，老公叫咗杯红酒。餐厅有几款面包俾你选择，仲有三款酱(橄榄，蕃茄，香草酱)同橄榄油加醋俾你点(唯独是无牛油)。三款我最钟意蕃茄酱。头盘。烟熏帝王鱼伴意大利青瓜配香草柠檬乳酪，特级鱼子酱。青瓜脆口，鱼肉嫩滑，加少少咸香鱼子酱，成碟好清新。玉米浓汤配八爪鱼。八爪鱼刺身响汤入面，弹牙鲜味。汤杰身到觉得自己食紧成条粟米。日本北海道海胆蟹肉意大利面。海鲜食得出系靓嘢，但配搭及味道未见惊喜。面比普通意粉粗少少，但仍然煮得啱啱好，弹牙得黎唔会有骨。甘鲷鱼柳伴菠菜配蕃红花汁。值得一赞系鱼肉上面嘅鱼皮，脆到可以连鱼鳞一齐食。香脆乳猪伴茄子蓉配芥末汁。乳猪juicy唔鞋口，茄子蓉估唔到咁好食。车厘子芝士挞配柠檬酒汁。淡淡嘅芝士味加去核车厘子刚刚好。最后仲有蝴蝶饼，朱古
餐厅几好情调，但当晚有枱一家十口有大有细，比较嘈。而且酒店来讲枱与枱之间有啲近。值得一提系餐厅员工服务殷勤，笑容可掬。
因为第一次帮衬，好懒咁叫咗个Tasting Menu($1380一位)。我无饮酒，净系饮暖水，老公叫咗杯红酒。
餐厅有几款面包俾你选择，仲有三款酱(橄榄，蕃茄，香草酱)同橄榄油加醋俾你点(唯独是无牛油)。三款我最钟意蕃茄酱。
头盘。烟熏帝王鱼伴意大利青瓜配香草柠檬乳酪，特级鱼子酱。青瓜脆口，鱼肉嫩滑，加少少咸香鱼子酱，成碟好清新。
玉米浓汤配八爪鱼。八爪鱼刺身响汤入面，弹牙鲜味。汤杰身到觉得自己食紧成条粟米。
日本北海道海胆蟹肉意大利面。海鲜食得出系靓嘢，但配搭及味道未见惊喜。面比普通意粉粗少少，但仍然煮得啱啱好，弹牙得黎唔会有骨。
甘鲷鱼柳伴菠菜配蕃红花汁。值得一赞系鱼肉上面嘅鱼皮，脆到可以连鱼鳞一齐食。
香脆乳猪伴茄子蓉配芥末汁。乳猪juicy唔鞋口，茄子蓉估唔到咁好食。
车厘子芝士挞配柠檬酒汁。淡淡嘅芝士味加去核车厘子刚刚好。
最后仲有蝴蝶饼，朱古力同餐茶。
乐队去到我地枱时知道有人生日会唱意大利文生日歌，仲可以点唱，气氛一流。大家可以点男女合唱歌，更好听架~
总结系，整体用餐过程良好，食物质素中上，加埋现场音乐真系无得输。
张贴
