No. 5 Lounge (已結業)

喺观塘商业中心一带见完客，附近好多餐厅。今次去嘅呢间吧就系位于一个类似food court之中。呢个area有好多嘅食物，包括burger ，中式餐厅，同埋bar。夜晚更加会有live music！当日有一个男结他手，整晚都唱紧唔同嘅广东歌同英文歌，气氛唔错！餐牌上面嘅选择都几多，我哋叫咗一杯long Island iced tea，一杯nothing，另外嗌咗一个爆谷。爆谷系由爆谷机新鲜爆出嚟，相当之新鲜同埋香甜！环境令人坐得舒适，桌上更加有一盏灯点缀，感觉几浪漫。 仲有projector可以睇波，可以约埋男朋友或女朋友一齐，又可以同波友一齐嚟睇波。 long island iced tea感觉好多酒精，绝对无悭。饮到一半已经feel到少少醉。我嘅酒量都唔错，但系依杯嘢嘅酒精浓度都相对地比香港其他bar多，酒精味浓。Nothing都系一样，虽然系一杯较为入门级嘅甜cocktail，但系都感觉到酒精浓度颇高， bartender绝对冇孤寒！