LOST STARS LIVEHOUSE BAR & EATERY (已搬遷) 新店位置

我唔系慕名而来，我唔识咩Lost Stars, 亦唔知佢有live show，我系纯粹因为个商场搞promo而买咗佢间餐厅嘅餐饮券。而啲卷就快到期，所以先book佢。唔book犹自可，一book就有WhatsApp message，有SMS，有email提醒你交订金同佢餐厅规矩，为咗唔想嘥咗餐饮卷，所以照做。讲返食饭当晚，去到个商场简直一个空城咁，好不容易先揾到个保安问间餐厅喺边。间餐厅环境唔错，但一坐低个侍应就讲佢公司嘅规矩，话一定要每人至少order一个main同一杯野饮。咁就睇吓食乜，餐厅灯光有啲暗，要用电话电筒照住先睇到个menu。想落单，个侍应又重复佢公司嘅规矩话每一个人一定要order至少个主菜同一杯嘢饮。到落单时，我唔记得个菜名就话要𠮶个waterfall cheese乜乜，侍应一听，大为紧张，就即刻话尼个系小食，又重复每个人至少要有一个main同一杯嘢饮，我话𠮶个系pasta黎架㖞，佢先话咁ok。或者我EQ低，当被佢哋再三提醒我地每人一定要至少order一个main同一杯野饮，我真系有啲不耐烦。好彩食物ok，而当晚嘅表演者水准唔错，否则一定负评佢。