金華冰廳

营业中

休息中

其实一早睇到好多人闹，但系都系去吓，始终自己食过先有发言权。打算落个菠萝油，迟d再睇吓要唔要食其他野再落单，个侍应阿姐就话一定要依家落埋嘢饮（唔系跟餐价系正价22蚊），我唔明点解要依家呢一刻一定要一齐落埋单？惊我走单？我都未投诉你强买强卖，消费者委员会要唔要睇吓呢间茶餐厅点解咁恶😂？原本你d嘢好味，人地自然会一直落单，普通既，就唯有汤客，可能念住汤得一个得一个，因为知道自己d出品唔会草到回头客。讲翻个菠萝油，13蚊，极其普通，只可以讲不过不失，无必要特登行去食，即使唔汤客都。杯22蚊既冻柠茶，都系通街都有既货仔。试埋佢个7蚊既蛋挞，真系翻白眼，无蛋挞既奶香味😂荃湾求其一间饼店茶餐厅既蛋挞都好味过佢。希望唔好太多游客俾d假食评呃黎呢间店，两个菠萝油两杯柠檬茶一个蛋挞，埋单77蚊，我宁愿食谭仔，游客们，广州深圳d广式茶餐厅好味过佢，唔好俾人呃黎啦，d钱拿去捐左佢好过，嘢食唔出彩，仲逼迫消费，完全扣分，俾d侍应催到想继续落单既心情都无晒，疫情后难得可以通关，真系影响香港形象。