愛家國際餐飲 (已結業)

虽然唔系素食者，不过有时都会特登只系食蔬菜类当一餐，感觉上好似健康少少。去开附近，就走咗去Loving Hut食晚餐。呢度同其他素食餐厅唔同，佢哋系快餐店形式，晌收银度买完飞，等佢哋整好就要去取餐区拎份餐。叉烧豆腐扒饭配豆浆，众所周知素食嘅肉多数系用豆腐再加调味料同色素之类去模仿，呢度嘅叉烧都系，卖相真系扮得几似，食落烟烟韧韧，虽然唔太有肉嘅口感，不过都唔系完全冇味𠮶种。豆腐扒就应该系用比较硬身嘅豆腐去整，无扮嘢完全系做紧自己。下面仲有堆炒杂菜例如系椰菜之类，再加埋红糙米饭同豆腐。系就系冇平时嘅真叉烧饭咁好食，不过总算唔系完全无味嘅，对于平日一定要食肉嘅人嚟讲，都算系入门级嘅素食。