大麥牛肉麵 (已結業)

今日去香港大学站附近觅食， 发现左呢间叫大麦既牛肉面小店。 舖头唔算大，大概只有十几二十个座位， 但胜在简单朴实。红烧牛肉面方面，除左一般见到既牛肉面条之外， 仲有荞麦面可供选择，亦都可以拣辣定唔辣。 我同朋友夹埋叫晒两碗试试。 牛肉煮得好林身好香，而且面条既软硬适中， 吸埋汤汁食一流。而荞麦面比较爽身，都不失为一个好选择。小食方面，我地拣左卤水拼盘（鸡翅、鸡槌、鸡蛋） 同埋皮蛋豆腐。 呢度既卤水先系精华所在，能将普通食材瞬间升华。 仲未食落口之前，就已经闻到阵阵卤水香，令人食欲大增。 再将卤味放入口中，你慢慢就会感受到呢度既卤水将普通食材提鲜既魔力。至于豆腐皮蛋，除左有豆腐同皮蛋，亦铺有一层香口既肉松同酱油拌碟。 食落去鲜，香，滑，值得一试。饮品方面，我地叫左杯桂花薄荷酸梅汤。 桂花既阵阵幽香以及冰凉既薄荷，同酸酸甜甜既酸梅汤融而为一， 大热天时饮一杯，简直消暑解渴凉透心啊