生記滷味

营业中

休息中

黄豆苦瓜汤，无放咸酸菜㖞 ﹗今日突然好想饮苦瓜汤，打算放工就买料返屋企煲，点知 lucky 地例汤就系苦瓜汤，有食神呀 ﹗一饮便知绝无味精，最紧要 ﹗味甘带甜，好好饮呢 ﹗可否添饮啊？卤水鹅饭，事关最好食既卤水鹅系大埔，所以依家都非常少黎生记食 lunch 喇 ﹗师傅真体贴，斩只髀过我，多谢。肉质嫩滑而卤水味浓，加上浙醋非常开胃呀，饭都食多两啖。鹅不肥亦无多余肥膏，有运动好 fit 㖞，好满意，都食得过，不过饭后真系有点口渴，可能味浓既关系。配菜豆腐卜真的太干了，又鞋㖞，唔通要浸汤食？仲有点油益味，咸酸菜碎还可以啦。