Coti (鴻圖道)

营业中

休息中

呢间位于观塘工业区鸿图道附近嘅coti,肥鸡发,觉好适合自己一个人行到攰𠮶阵入嚟坐低食过有质素嘅午餐同埋饮杯咖啡chill 1 chill。呢间舖头虽然唔系好大，但系有吧枱同埋舒服嘅梳化凳畀你，适合自己一个或者同三五知己一齐嚟食个饭吹下水。佢嘅选择都颇多，今次肥鸡就拣咗个慢煮猪肋骨拼沙律，再叫多杯热嘅焦糖炖蛋咖啡。佢杯焦糖炖蛋咖啡用烧枪将砂糖焦糖化，入口𠮶阵淡淡嘅咖啡豆香配埋微甜嘅焦糖脆片，种口感比饮普通咖啡丰富得多。而且佢仲配埋一个造型似咖啡豆嘅小蛋糕，将个蛋糕放入咖啡到，旧蛋糕即刻变得好湿润，餐前小食一流。再嚟佢个慢煮猪肋骨，因为肥鸡当日唔系好肚饿，所以拣咗拼沙律。酸甜开胃嘅柚子醋配埋新鲜嘅水耕菜，佢嘅慢烤猪肋骨骨肉分离，配埋微酸嘅蕃茄酱，食落去成个人一啲都唔油腻，味道分量拿捏得刚刚好。