茶木‧台式休閒餐廳 (已結業)

20170126 临近岁晚收炉，相约同事食餐好嘅。lunch time嘅中环茶木经常爆满，梗系叫同事早啲出去排队攞定位先赶得切食。中环茶木嘅mix & match lunch set $79非常受欢迎，因为佢价钱抵得嚟仲有好多唔同嘅配搭，每人嗌一个lunch set大家一齐share，就可以试匀哂好多款式嘅𩠌。由前菜、主菜、面食，饮品都有得拣，梗有款啱你口味。是日花枝丸同鲈鱼柳都卖哂。惟有拣返招牌盐酥鸡，拼嫩鸭同香芋新竹米粉。盐酥鸡味道一向有保证，细细件香脆惹味。鸭肉亦都够哂入味，肉质少许鞋。糖心蛋卤得够入味。米粉有惊喜，用咗幼身嘅台新竹米粉，啱女仕口味，唔怕索水发涨，汤底味够浓。反而旧芋头冇特别，可有可无。黑糖姜母茶又卖哂，点咗柚子茶，都系樽装倒出嚟即冲，味道几甜。