和幸吧 (已結業)

话说,之前经朋友介绍知道呢间WAKO BAR 系LUNCH时段有午餐定食,咁岩今日系尖沙咀行街,所以就以尝试心态上黎试试。大约1点左右上黎,见到有2~3枱系度食紧野,之后俾员工安排坐左系卡位。一睇餐牌,发现原来呢度既LUNCH除左烧肉之外,仲有和食定食供应,我地2个人,我叫左超值御膳一人前,另外我朋友就叫左个和食一人前(刺身三点盛+角切鱼生饭)。落左Order之后无咩野做,咁就周围望下个环境,都尚算舒服,我仲发现左墙上有好多相,就问服务员,原来系呢间铺既特色,只要你肯对钖20秒,俾职员影一张即影即有,就可以得到一碟爱情豚,不过最终我都系无玩到。大约等左10分钟左右,野食就送左上黎。首先,烧肉定食份量尚算OKAY,有3种肉,每款有3块(牛,鸡,猪)仲有个三文鱼+鲷鱼刺身,沙律,蒸蛋同面豉汤,都系$78咋。跟住到和食一人前,刺身三点盛(三文鱼,𫠒红鱼,甜虾)+角刺鱼生饭,价钱都系$78。味道方面,刺身尚算新鲜,烧肉对比附近烧肉店感觉比较好。最后有甜品食,系雪米籽,呢个普通左少少,不过系夏天食就几岩食。