Van Gogh SENSES (已結業)

一直都好钟意梵高的作品，在荷兰有参观过佢既艺术馆，估唔到香港都有一间梵高艺术体验馆，有精品，餐厅，油画，多种元素结合的体验馆。佢获得了阿姆斯特丹梵高美术馆独家授权。仲要系全球首家向梵高致敬的艺术概念店！不得了，同朋友相约1881，哇....我地第一次在1881食饭呢，好兴奋...Fine dining 环境，艺术感不在话下，环境很清悠，充满艺术气息。打开餐牌，我地拣左二人中午套餐。佢所有餐具都好靓！尤其系只杯，暗绘在玻璃杯内层，装左水之后就成辐图咁靓，真想带一只返屋企。餐饮好靓仔，糖水同鲜奶系自己落，咁就一定岩自己心水啦。杯垫系梵高的画作，色彩缤纷，真系唔舍得拎黎垫杯啦，好靓。意大利大虾沙律配朝鲜蓟，蕃茄配菲达芝士，配搭得几好，色彩鲜艳，沙律菜新鲜，口感爽甜，芝士奶香味浓厚，同沙律好夹。俄罗斯牛肉浓汤配酸忌廉及刁草，牛香十足，牛肉浓汤配上餐包是非常好的配搭。主茶系香煎鲷鱼柳配鱿鱼及西班牙香肠炖菜，鱼柳入味，煎得好香，不足之处系鱼肉略薄，不过配菜很丰富，西班牙香肠炖菜正宗。是日精选甜品同埋水果拼盘。生果新鲜，甜品为艺术午餐划上句号。