真心泰國菜館 (已結業)

今日lunch去咗真心泰国馆食，以前喺度食过晚餐，但喺度食lunch都系第一次。原来哩度嘅lunch menu有7，8页咁多，有选择困难症嘅我拣咗差唔多10分钟先决定到食乜。食冬荫海鲜泡饭，碗饭未嚟之前醒起唔记得叫佢少辣，因为我印象中记得以前饮过哩度果啲都几辣...但唔知系我记错定系泡饭个汤同就咁叫冬荫公味道系咪有唔同，哩个冬荫泡饭汤底几香，少少辣吊味，而且有少少甜味，几醒胃易入口，海鲜就有青口，虾，鱿鱼片，几好味。而饮品本来要大树菠萝青柠梳打，点知无大树菠萝，改饮龙眼冰，几清甜解辣，同埋跟餐嘅饮品系细杯啲。跟住仲估唔到有甜品送，系绿豆沙，煲得几蓉起沙，个waitress同我讲话甜品每日唔同。