居食屋「和民」 (淘大商場3期) (已結業)

同几个同事忽然想食寿喜烧，谂起呢度有，即刻过嚟试吓，原来lunch menu都几多款，有：拉面类、石锅饭类、当然仲有寿喜烧！我拣咗普通牛肉版嘅 #寿喜烧锅御膳 $99配乌冬，咁个餐仲有沙律同甜品仔，仲包一杯嘢饮，我叫咗冻柠茶，唔洗加钱。份量ok，乌冬几弹牙，同事叫咗贵价$139嘅牛，系靓啲，多啲雪花❄️！我仲贪得意用$13买咗棉花糖，其实佢冇讲用途，但我哋贪得意买埋放落锅，不过本身个汤都够味嘅🤭，但影相打卡几好～之后为食嘅我仲加$19配多个小食 #惹味蜜糖芥末味鸡翼都几脆，有啲似麦记嘅鸡翼加咦蜜糖芥末酱系面。