牛魔 (已結業)

棉登径近排开左唔少食肆，以前主要酒吧多，而加就转型了!今日同朋友约了出尖沙咀行街，行街前都要医下肚既，于是就系棉登径睇下有咩好野食!见到呢间食牛既餐厅好似几吸引，而且lunch时间又唔算好贵，所以就入去试试。餐厅楼底都几高，一入去就见到幅墙画左个女仔系到，几特别!有开放式厨房设计，而我们安排坐bar枱位置，可以见到厨师准备食材。lunch除了有lunch set，亦有一些烧肉的套餐，但因为星期日的lunch即是我们的"早餐"，所以都是点lunch set会好点。每个set lunch都有饭、汤、前菜和沙律。前菜有3小碟，泡菜、辣青瓜同埋鱼仔，虽说是前菜，但味道都不错呀!汤是韩式的紫菜汤，清清地可以除去牛肉的浓味!沙律菜是用上黑芝麻沙律酱，第一次食，味道几特别!烤酱汁牛肉餐($110)，这款牛肉是铁板上的，牛肉肉质松软而且juicy!酱汁有点甜，加上还有鲜甜的洋葱，用黎送饭十分美味!安格斯特选牛肉眼丼饭餐($125)，这个饭冇谂过咁好食。牛肉煮至5成熟，牛肉味浓而且肉质松软，牛肉边整到有点脆口，加上酱汁惹味，面头还有紫菜，好想再扒多碗饭呀!总括黎讲，餐厅环境舒适，食物质素高，下次要黎试下