泰味道

营业中

休息中

泰味道算系我最常去既饭堂。岩岩从心厨转手，特登上去试试。第一碟海南鸡饭真系而家都重记得。只鸡岩岩熟，肉同皮中间重有层啫喱，跟汤加3蚊重有椰汁冰，望望餐版50蚊有找，之后就经常黎。一年来都经常黎，外卖都叫不下数十次。海南鸡同金边粉就最常叫。自从多咗外卖后海南鸡水准就飘忽咗，金边粉经常唔同味道，就我个人而言都接受到。猪手都爱食但时肥时瘦唔太平均所以比较少叫。泰式清汤河就其实一直想问点解有时清汤有时似船面，不过见佢地咁忙都费事打扰。咖哩比较少叫，遍甜，质感水水地。但我几钟意饭加咖哩后食到饭一粒粒既口感。甜品开始放多咗椰肉，好食好多。我个人几钟意以前个调味盘有糖，酢，鱼露，花生碎，辣椒粉。可能汤河少人叫，宜家少咗糖同鱼露。个人推荐要试就要去堂食。需然系外卖方面花好多心思，只可惜餐牌好多都唔太适合外卖。无其它饭堂重油重盐既饭盒保留得住啲味道。成遍野似感想多啲，随便啦，多少推广吓。