四季文昌 (已結業)

喺尖沙咀番工嘅姐姐介绍之下,佢话呢间”四季文昌”嘅lunch又平又好味,于是我就趁星期六拉阿肥出嚟陪我试吓啦~原来地点一啲都唔难揾,就喺正诺士佛台街口一望就已经见到,都算系一个好方便嘅地方,平日番工一定有好多人帮衬啦。睇过餐牌之后,我哋决定每人叫番个主打,今餐嘅主角亦都好讨阿肥嘅欢心,佢鬼咁钟意食海南鸡饭呢。四季文昌海南鸡饭($68蚊),呢个午巿特选套餐就系呢度嘅招牌款式,由海南出产嘅文昌鸡作主角,另有小许萝卜条青瓜条作为清新小配菜,再加上一碗金光亮亮嘅油饭,估唔到好似白切鸡咁嘅鸡肉都几够嫩滑,鸡肉味浓,仲落足心机咁无骨处理,鸡皮又够薄,冇乜肥膏,油饭饭香可以充满渗透入整个口腔,连调味嘅酱油都分为：海南鸡酱、姜葱油、豉油三款,满足不同口味嘅人嘅需要而我拣嘅呢款肉骨茶配油饭($62蚊),同样有所惊喜,本身我都唔系经常性食肉骨茶,因为喺我常食嘅餐厅之中都好少见到,直至最近有一次去星马旅游,肉骨茶呢种味道一直令我念念不忘。而我知道肉骨茶嘅做法系混合咗中药同香料之后,加入肉排熬制几个钟头出嚟嘅浓汤。估唔到今次喺呢度可以重拾呢种口味,虽然肉骨茶味道带点微苦,但我接受得到仲觉得有点甘香,味道够浓仲