影片
更多
2008-12-05
11 浏览
有同事去過話好好味, 於是今日同舊同學去試下！ 點知 ..... 首先, 去到門口, reception 哥哥第一句就問﹕「有冇訂位？」我地答無, 問佢係咪一定要訂位, 佢話「最好啦, 唔訂位未必有位架, 不過你地咁早應該ok 既」上到去, 環境無疑係好靚, 一坐低招呼都好好；打開menu, 見到d 食物都唔算平 (以牛頭角區黎講), 同事推介牛肉火鍋好味, 於是就點左, 舊同學就點左 set lunch 牛腩意粉個牛肉火鍋一黎到, 見到好足料, 堆滿晒成個鍋, 所有食物都係生既, 牛肉响面, 菜响底, 而d 湯只係浸到d 菜。我問侍應姐姐A 係咪已經有足夠既湯煮熟晒d 食物, 佢答 d 菜煮一陣就會"淋", 然後d 湯就會可以蓋過d 牛肉架啦！等左一陣, 個火熄左, 侍應B 走埋黎換gas; 等多五分鐘, 聞到燶味, 原來侍應B 個火開得太大, 侍應C 走黎左較右較一輪 (呢個時候d 菜仲未有"淋" 既跡象); 等多五分鐘, 再叫侍應D 睇下, 點知佢一野摸左落個爐度辣親, 最後要叫經理黎攪！ 經理行到埋黎乜都無講, 淨係笑住咁點頭然後連爐帶鍋拎走左！兩分鐘後拎返個"兜亂"左既牛肉火
首先, 去到門口, reception 哥哥第一句就問﹕「有冇訂位？」我地答無, 問佢係咪一定要訂位, 佢話「最好啦, 唔訂位未必有位架, 不過你地咁早應該ok 既」
上到去, 環境無疑係好靚, 一坐低招呼都好好；打開menu, 見到d 食物都唔算平 (以牛頭角區黎講), 同事推介牛肉火鍋好味, 於是就點左, 舊同學就點左 set lunch 牛腩意粉
個牛肉火鍋一黎到, 見到好足料, 堆滿晒成個鍋, 所有食物都係生既, 牛肉响面, 菜响底, 而d 湯只係浸到d 菜。我問侍應姐姐A 係咪已經有足夠既湯煮熟晒d 食物, 佢答 d 菜煮一陣就會"淋", 然後d 湯就會可以蓋過d 牛肉架啦！等左一陣, 個火熄左, 侍應B 走埋黎換gas; 等多五分鐘, 聞到燶味, 原來侍應B 個火開得太大, 侍應C 走黎左較右較一輪 (呢個時候d 菜仲未有"淋" 既跡象); 等多五分鐘, 再叫侍應D 睇下, 點知佢一野摸左落個爐度辣親, 最後要叫經理黎攪！ 經理行到埋黎乜都無講, 淨係笑住咁點頭然後連爐帶鍋拎走左！
兩分鐘後拎返個"兜亂"左既牛肉火鍋返黎, 話因為之前太多菜, 而家「幫我」撥走左d 菜之後無問題啦！ 一個牛肉火鍋, 要五個人經手先至食得！
不過我已經算好彩, 我後面張枱有人又係叫牛肉火鍋, 但係可能因為個侍應擺個鍋擺得唔好, 所以倒瀉左湯"陸" 親隻手添呀！
雖然個牛肉火鍋攪左一大輪先食到, 但係味道確實唔錯, 以$70-$80 既價錢, 佢絕對合格﹕ 牛肉唔會太老, 有大量既黃芽白, 有冬菇有豆腐；而且有飯有面豉湯有前菜(兩舊手卷)仲有飲品！
整體黎講, 環境同食物係唔錯, 但係今次既經歷令到我覺得好唔愉快, 應該唔會再去！
张贴