柳氏家 (已結業)

今日同同事食饭，见到传单lunch有半价可食75分钟，就去试吓，我哋一行11人，分开两台，每台有两个炉， 有六款唔同嘅鸡选择，咁我哋每台就叫咗四款，因为每个炉可以叫两款，有唔同辣度嘅鸡辣鸡，亦都有唔辣嘅鸡！ 因为只有75分钟，一落完order我哋就即刻出去拎嘢饮沙律，仲有呢冷盘泡菜，几分钟后的鸡就上嚟，大概要炒10分钟，就可以叫工作人员帮我地加芝士再翻炒，的鸡食到差唔多，可以再加饭或面去炒埋啲鸡，食晒仲可以加汤打边炉，肥牛猪肉系任叫，出边仲有丸虾同埋珍珠带子可以拎，食到差唔多就出去拎雪糕🍦！我哋只系叫咗一只辣椒辣度嘅鸡，所以啲鸡系唔太辣，啲鸡肉几滑同好入味，佢的鸡有两三种食法，食完之后其实饱到呕！芝士，八爪鱼，同鸡都系任叫！肥牛同啲丸都OK，系个雪糕冇咩味！如果系平日唔使返工可以拣110分钟慢慢食， 75分钟系有啲赶，我哋每人埋单都系$119！