鳥世一

营业中

休息中

终于有空档可以同女友一齐食野，今次去到中环食日式串烧，地方唔算好大，中间系日本师傅烧串烧的地方，外围就系客人食野的位置，只有几个位。食物种类唔算太多，不过主力都系鸡类，话哂店名都讲左俾你知佢卖点系咩。午餐时间胃口无咁大所以叫得唔系太多，系烧之前，店员都会展示俾你睇我地叫左边d野食，而家摆得几有心机，确保无烧错野食。同埋我地坐的位置都会睇到哂师傅烧野食的全过程，当系睇表演咁。鸟世一沙律份量几大，几旧鸡胸、一只流心蛋同蕃茄都配上黑椒同黑醋汁，带有少少甜味，几开胃。烧明太子就一条切开六份，虽然明太子本身偏重味，不过加埋青瓜片中和番啱啱好。烧带子中等大细，配的汁就几鲜甜，似带子本身的味加上鸡汤而成。烧和牛串就大概七成熟，入口松软，配上青芥末酱又另一番风味。不过主打都系佢的「世一串烧鸡饭」。白饭大概大半碗珍珠米，配上四串唔同的鸡串烧，一份前菜同味增汤。免治鸡肉、鸡胸、鸡尾同鸡脾肉。免治鸡肉串就配番佢的特制汁，甜甜地又几惹味。鸡尾串算大条，烧得少少焦但十分香口。只系食呢份的话都应该几够饱。