品 (已結業)

系中环返工，同事高度推介去食一间性价比超高嘅餐厅，set lunch每位只要$128起，有 一盅鲍鱼海底椰炖汤、一个主菜、每人一壶中国茶。啲侍应好专业，每上一样野都会介绍，仲会keep住主动加茶，服务一流。首先上左每人一壶茶，侍应先倒满一杯，话差唔多饮晒先加热水，唔好浸住啲茶叶。跟住上左个炖汤，真系超级好饮，个汤好甜，真材实料，汤内有两块鲍片，煲完汤味道都仲好浓郁，超正！主菜叫左海虾炒手打鱼面，真系海虾，炒得啱啱好，好爽口，由于系海虾，虾味比较浓同甜，冇拣错。第二个叫左原只鲍鱼花胶捞饭，鲍鱼唔大只，但火喉控制得好好，最精彩系个汁，我可以用啲汁捞几碗饭，个汁嘅味道好丰富、有层次，应该系鸡汁底，用海鲜淆汤底，冇用味精（我会知，因为对味精敏感），好浓郁，有深度嘅味道。每个主菜都有伴碟，个炸虾丸好好食，够弹牙爽口，外层包左芝麻，香味提升。总括黎讲，百几蚊食到5星级酒店嘅服务及食物水准真系好超值，已经约好其他同事要快啲再去食。