廿一前 (已結業)

我以后都会嚟食！！因为佢呢度真系抵到烂！！唔使$100，已经可以任食串烧，打边炉、饮品、甜品、炸物！！而且仲送刺身同海鲜拼盘！！真系不得了！！系打边炉之前，出面已经好似啲自助餐咁可以攞下啲面包芝士嚟食！ 仲要可以任食parma ham!!仲有唔同嘅海鲜，例如青口、蚬肉等等，真系疯狂食都得！之后我哋就嗌咗个鸳鸯锅，花胶同芫荽汤底，啲花胶有成四五旧咁多，而且每一旧都好大，成只手掌咁大！啲芫荽都比得好足，真系疯狂食芫荽都得😂😂海鲜拼盘方面，有好大只嘅生蚝同带子等等，啲生蚝一啲都唔腥，好好食！！因为我哋食120分钟，所以就有埋呢一个泰式生虾，其实食落口全部都几新鲜！而且呢度啲牛猪鸡，都系任食！而且仲冇漏单嘅情况添！！见唔见到我哋成枱都系嘢食🤣🤣佢哋嘅串烧都有唔同烹调嘅方法俾我哋选择，个人觉得鸡软骨同牛几好食，又唔会好干身，质素都唔差！最后佢哋仲有得任食雪糕同埋甜品、水果，我最惊喜嘅系雪糕嘅配料仲有七八款俾我选择，我真系食到全日都唔使食其他嘢🤣