Outback Steakhouse (屯門市廣場1期) (已結業)

Lunch set供应时间系12pm-3pm，包主菜，餐汤，沙律，黑糖包同一杯soft drink。粟米忌廉汤&沙律&黑糖包汤甜，有粟米味，好饮既忌廉汤。沙律正常。黑糖包依然系好松软，最钟意底层外面既碎粒(黑糖?)，同面包既松软形成反差既口感，令人愈食愈想继续食。美国安格斯肉眼牛扒($238)肉眼扒叫左五成熟，望落似三成熟，煎得几好，食落好有牛味，有咬口，口感唔错，系好靓好食既肉眼扒。薯条标准。(个人口味：4/5)烧肉酱味猪肋骨($118)猪肋骨份量足够，肉质够腍，但我食左两条骨已经觉得好"流"，唔想继续食，纯粹系唔岩我口味，刺激唔到我既食欲，如果酱汁/调味料惹味d会更好。至于冻柠茶就偏苦，味道比较淡，我都系更喜欢港式柠檬茶。(个人口味：3.1/5)Lunch set价钱比普通散叫平，仲包埋沙律同一杯soft drink。不过食扒餐既配菜系fix左，无得自己拣(散叫扒可以任选2款配菜，但价钱又无lunch set咁扺食)。