快樂．順景

营业中

休息中

近年都好少留食评，今次真系畀快乐顺景搞到不快乐（好似上个差评嘅师兄咁）所以要劝予吓中上环食12点1点嘅打工仔唔想食个饭都系咁畀人烦就唔好嚟喇。平又唔系平，嘢食又普通，啲面包摆正系垃圾桶隔离，胶都废事畀直接走包。都算，食过半个钟开始每隔两分钟分开问我哋枱上嘅每样嘢仲要唔要。个款系：系呀摆到明赶你走㗎喇宜家吹咩有时真系见好就收啦。明显只系差少少finish侍应around 10分钟内竟然嚟咗我哋张枱问咗5次（3碟嘢两杯嘢饮）😹精彩。（返咁多年工第一次遇到此奇景）最尾热柠茶饮净半杯佢问第5次真系到咗我底线，其实大佬觉得我杯茶仲可以饮几耐呢？ 成餐饭我哋都只系食咗40分钟，下次唔啱加个牌话繁忙时间用餐限时30分钟吖不如👍🏻食附近平价饺子店都冇畀人咁催过，呢间新餐厅系几威，当自己澳牛咁做，正。