老點里 (已結業)

同尖沙咀一站之隔嘅佐敦，有唔少地道又好味嘅餐厅，绝对系平民嘅美食宝藏呀！所以我哋好多时候喺尖沙咀行完街睇完戏之后，都会行嚟佐敦揾嘢食。今晚想食港式小菜，一于试吓新开嘅老点里，睇吓M佬会唔会老点你啦！猪油渣炒菜心苗猪油渣炒菜心苗绝对系80年代名菜，依家真系好少见。制作猪油渣一啲都唔简单，绝对系体现厨师嘅功夫。至于「老点里」嘅厨师就无老点我哋喇，菜心苗相当新鲜，配上油香十足嘅猪油渣，清碟冇难度。辣酒煮花螺一上枱就闻到阵阵嘅酒香，真系够晒醉人！花螺份量唔少，而且相当弹牙，味道带有辣酒嘅辛辣，非常醒胃。泰式胡椒鸡中翼有菜又有海鲜，晚餐唔叫个肉好似漏咗啲嘢咁。今日想食啲香口嘢，所以就叫泰式胡椒鸡中翼啦！鸡中翼以泰式胡椒调味，非常入味，又唔会太辣。