Mana Thai Kitchen (已結業)

星期日去试新餐厅，地点系湾仔卢押道既Mana Thai Kitchen，好似新开张。入口喺地下，之后行少少楼梯上一楼用餐区。装修以深啡色为主，播放住西方音乐，气氛唔错。主餐牌简单，不过够多野拣，有沙律，汤，咖哩，蔬菜，烧烤类，蟹类，小食，甜品，肉类，海鲜类，同粉面饭。今日我地叫左沙律，海鲜同粉面各一。柚子鲜虾沙律 $108 先黎一客沙律。柚子鲜虾沙律有剥壳鲜虾3只，都好爽脆吓。柚子超多，捞埋脆脆，少少辣椒同葱花，味道清甜带少少辣，好好味。下底垫左一块生菜，仲有鲜花伴碟。椒丝炒青口 $118 椒丝炒青口有连壳青口15只，size有大有细，都好嫩吓。其他配料除左椒丝，仲有秀珍菇，草菇同洋葱丝，个汁带少少辣，都好好味。牛肉船面 $120最后叫碗饱肚啲嘅面。牛肉船面既金边粉又幼身又滑，浸耐左都唔会一pat野咁，吸左个牛汤好好味，个牛汤系深啡色，梛香味浓，甜甜哋几好味。金边粉夹杂住芽菜同豆角一齐食仲有丰富口感。配料有肥牛几块，牛丸几粒，超稔牛筋两旧，同好稔嘅牛腩碎，上面洒上葱花同花生碎，令口感更丰富。另外叫左两杯野饮。斑兰叶呢杯味道好清淡，带微微嘅斑兰叶味。荔枝梳打呢杯荔枝梳打酸酸哋而且有汽，味