Mark One (已結業)

平时去 Mark One 多数都系食晚餐，午餐都真系第一次。今次一行五人嚟到，每个人都咁啱叫咗唔同主菜。未上主菜之前，当然系先食蒜蓉包。呢度既蒜蓉包无论系晚餐定午餐，都系即叫即焗即上，又香又脆口。真系怕热气都要食多一两旧！我点既主菜系炭烧纽西兰肉眼扒伴黑椒汁。出面食扒最怕生熟程度控制得差，特别系午餐时间。呢度就完全冇呢个问题。叫咗三成熟，一切开就见到生熟程度啱啱好，食得出成块扒既温度都好平均。阵阵既炭烧味令到个肉眼扒增添一份新鲜感。食完牛扒，当然要食番啲甜品中和下。甜品拼盘有红豆芝麻､芒果粟子同桃卷。个人就最钟意红豆芝麻。芝麻既香伴著红豆既甜，呢个配搭非常之好，极力推介。整个午餐可谓令人非常满意。美中不足就系午餐食得有啲赶，唔可以慢慢细味。唯有等下次再试！