nana's green tea

营业中

休息中

1星期总会来Airside 最少两次，但系又唔想次次食一样嘅嘢，今次行多一阵，谂住睇吓有啲乜嘢其他嘢食，跟住就比门口嘅雪糕吸引住😂。之后爸爸同我讲呢间同我哋喺日本Lalaport食个间系一样。可能因为岩岩12点嘅原因，入面唔系太多人，所以都系唔使等就可以直入（坐咗一阵之后，大约12:30 ，就开始劲多人）。一入去，侍应生讲明限时1小时（不过最后又好似冇特别催促我哋交枱）。我哋叫咗海老蕃茄豆乳乌冬俾家姐同埋妹妹share. 口味系偏浓，但好味，难怪平时唔系太肯食嘢嘅妹妹都食。之后我自己就叫咗一个薯仔沙律，沙律入面应该系有生洋葱，感觉喺小小辣。之后就系饮品，最期待嘅Matcha. 好饮呀。最后梗系唔少得雪糕啦，我想食绿茶雪糕，又想食蕨饼，家姐唔想食绿茶雪糕同想要朱古力，所以一人一个。绿茶雪糕，感觉唔系太甜，但系同样地绿茶味唔系太浓。