麥當勞 (已搬遷) 新店位置

一年出入香港机场唔多，就算上大陆山区做嘢，我哋都喺取道深圳机场，因为𠮶边班次多啲，啲时间又好啲。今日嚟到香港机场，唔喺出门，而喺接老婆机，佢就好啦，同姨仔（即喺两姊妹）两个去咗北欧旅行，卒之完结咗15日嘅行程，所以，今日就专登入嚟接机。去到机场，发现佢哋嘅航班有延误，加上我又早到咗，故晌抵达大堂层嘅McCafe打住趸先。食咗晏先过嚟，所以，叹杯咖啡就最好不过。其实，一向都有晌美孚帮衬McCafe食早餐，佢哋啲咖啡真喺一啲都唔差。今次就拣咗杯伯爵茶鲜奶咖啡（Earl Grey Latte $27），单睇个拉花已经唔失礼啦，平衡一致，无话侧埋一边，最有心思仲晌杯面糁少少茶叶碎，伯爵茶嘅香味更突出。而饮落，杯嘢掂㖞，咖啡味唔喺太重，但伯爵茶嘅香味又突出到，啱啲想饮咖啡又怕太重味嘅人。饮杯咖啡，碌吓手机，打吓食评，时间可以好快过。当然。依杯伯爵茶鲜奶咖啡有别于我哋嘅港式鸳鸯，但同样好饮，味道好有层次。