大和堂咖啡店

营业中

休息中

McGriddle 初初出𠮶阵时, 全城抢购, 但好多人食过都话麻麻地, 梗系啦, 始终连锁快餐店预先整好, 芝士溶晒, 班戟包皮又淋晒, 点会好食呀！其实香港好多cafe都有类似嘅菜式, 新鲜整出嚟, 用料又靓啲, 完全两回事！「大和堂」嘅「猪柳强」绝对系热香饼猪柳蛋汉堡嘅天花板！首先啲pancake虽然冇枫糖粒, 但新鲜整出嚟嘅pancake软熟又好味, pancake索咗附送嘅枫糖浆, 正呀！最重要块芝士完好无缺, 小小溶咗喺猪柳嘅中间, 邪恶得嚟非常好味！流心煎蛋当然好过一嚿熟晒嘅煎蛋啦, 啲蛋浆流咗落去pancake同啲猪柳到, 冇得弹啦！咸甜加埋嘅味道啱啱好！价钱当然系贵过麦当劳好多啦, 但其实有两层猪柳同两层pancake, 等于食咗一个猪柳汉堡加一个猪柳蛋汉堡啦！去大和堂点会少得咖啡, 我叫咗杯自家制黑糖鲜奶咖啡, 黑糖味唔系太浓, 咖啡body丰富！呢个先至系真正嘅热香饼猪柳蛋汉堡！