竹虎京堂

营业中

休息中

山长水远入MegaBox买嘢，梗系顺便食埋晚餐。Food court 10/F有好多间餐厅，见到呢间日本野几特别，而且价钱又好合理㖞！主打竹筒饭，今次就试咗个鳗鱼竹筒饭定食。老老实实个饭都几失望，好淋，但又唔系话因为太多鳗鱼汁，只系师傅煲饭放得太多水。鳗鱼就普通货色，就咁蒸熟，都系偏淋。而且呢个定食上菜速度劲快，order完5分钟之后就有，感觉一早整定。定食$89 入边仲有茶碗蒸、冇味嘅汤、两条枝荳，全部都好普通，抵就系抵食嘅。最好味就系红豆糯米糍🤣🤣另外仲order咗甜虾、北寄贝、元贝同甲罗烧，元贝都新鲜，$68甲罗烧就剩系得啲即食蟹羔咁，系咁易烧左两下。Overall真系觉得好普通，系几抵但系一次就够。