影片
更多
2023-07-28
300 浏览
MEMOIR📍铜锣湾登龙街28号永光中心17楼我同best friend都系7月生日嘅，所以我哋约咗聚下，食返餐好嘅。呢排我努力运动，而呢晚佢又唔太肚饿，所以我哋拣咗间喺佢公司附近几有气氛，而且好评满满嘅餐厅食晚饭。虽然只系单点咗三样嘢食，但绝对系非常满意嘅体验！ 💰$148黑鱼籽蟹肉牛油果塔配青瓜汁 🦀🥑🥒前菜我哋拣咗呢个好特别嘅黑鱼籽蟹肉牛油果塔，因为我真系好钟意食黑鱼籽、蟹同牛油果，呢个塔一次过满足晒我三个愿望！个塔分咗三层，顶层铺满咸香嘅黑鱼籽，中层填满鲜甜嘅冻蟹肉，而底层就系熟透嘅牛油果。个塔配上青瓜汁，除咗食到清新嘅青瓜味，仲略带少少酸味，非常开胃。建议食法系用羹一下𢳂到落底，记得要𢳂少少青瓜汁，咁一啖食落去就会食到多层次又醒胃嘅前菜！ 💰$268芝士焗法国面包蟹盖配龙虾汁扁意粉 🦀🦞🍝龙虾？蟹？我全都要！蟹盖我都食唔少，但真系第一次食一个长过我手掌嘅蟹盖！先讲吓个法国面包蟹盖先，佢足料到爆，芝士底下铺住满满嘅蟹肉，但最surprising嘅位系佢有过一半都系蟹膏，无论系就咁𢳂嚟食，定系捞落扁意粉度食都非常滋味！蟹膏呈鲜橙色，蟹油唔多，但味道非常出众，同蟹肉一齐食简直就系享
📍铜锣湾登龙街28号永光中心17楼
我同best friend都系7月生日嘅，所以我哋约咗聚下，食返餐好嘅。呢排我努力运动，而呢晚佢又唔太肚饿，所以我哋拣咗间喺佢公司附近几有气氛，而且好评满满嘅餐厅食晚饭。虽然只系单点咗三样嘢食，但绝对系非常满意嘅体验！
[价钱 Price]
💰$148
黑鱼籽蟹肉牛油果塔配青瓜汁 🦀🥑🥒
前菜我哋拣咗呢个好特别嘅黑鱼籽蟹肉牛油果塔，因为我真系好钟意食黑鱼籽、蟹同牛油果，呢个塔一次过满足晒我三个愿望！个塔分咗三层，顶层铺满咸香嘅黑鱼籽，中层填满鲜甜嘅冻蟹肉，而底层就系熟透嘅牛油果。个塔配上青瓜汁，除咗食到清新嘅青瓜味，仲略带少少酸味，非常开胃。建议食法系用羹一下𢳂到落底，记得要𢳂少少青瓜汁，咁一啖食落去就会食到多层次又醒胃嘅前菜！
[价钱 Price]
💰$268
芝士焗法国面包蟹盖配龙虾汁扁意粉 🦀🦞🍝
龙虾？蟹？我全都要！蟹盖我都食唔少，但真系第一次食一个长过我手掌嘅蟹盖！先讲吓个法国面包蟹盖先，佢足料到爆，芝士底下铺住满满嘅蟹肉，但最surprising嘅位系佢有过一半都系蟹膏，无论系就咁𢳂嚟食，定系捞落扁意粉度食都非常滋味！蟹膏呈鲜橙色，蟹油唔多，但味道非常出众，同蟹肉一齐食简直就系享受！龙虾汁扁意粉软硬度适中，有少少龙虾肉碎，鲜味十足。总括嚟讲，如果你钟意食海鲜，就必定要试吓呢个咁出色嘅意粉组合啦！
[价钱 Price]
💰$58
纽约芝士蛋糕 🍰
New York cheese cake份量比想像中细，钟意食甜品嘅我觉得有少少唔够喉。不过欣赏佢嘅cheese cake芝士味浓郁，甜度适中，口感幼滑。而且伴碟嘅sour cream同龙珠果都可以中和到芝士嘅腻，绝对系心机之作！
张贴
