喜惶點心專門店

营业中

休息中

今日约左妈咪饮早茶，问佢想饮茶楼定点心专门店，佢就话想食女人街入面一间黄嘅点心店。但我不嬲就对女人街嘅餐厅冇咩好感，感觉系得个平字，而且之前食过几间伏嘅，不过见佢系黄店就试下啦。佢舖头有两层，不过每层都唔系好多位，大约一层得5到6张桌，如果你系约一大班饮茶嘅话就可能会坐得逼少少。见佢menu写自己系牛肉世家，靠卖牛肉起家，咁我哋梗系要叫啦。我哋叫左粟米煎牛饼同牛肉烧卖，佢两样嘅馅料其实都系一样，就系牛肉球嘅味，感觉就系炸左嘅牛肉球同有层皮嘅牛肉球。同埋佢芫荽味都几出，搞到冚左啲牛肉味，有啲失望。而其他点心都系中规中矩，有馅料喺入面个啲点心都感觉有啲偷工减料，好似叉烧包同虾肠咁，皮厚料薄，搞到食落有种空虚感。见有个叫芥末沙汁三文鱼春卷几得意就嗌左啦，点知个汁又淡，中间旧青瓜令佢个味更清，好似净系食紧个炸皮咁。虽然个菜式设计得几好，但味道真系有待改进。