Mimila (已結業)

Mimila位于沙田新城市广场七楼，店内布置走上简约风格，只有少量装饰摆设，梳化、椅子均用上宝蓝色，充满海洋气息。再睇睇餐牌，餐牌的种类除左喇沙面、马来串烧外，原来仲有特色甜品:猫山王芝士蛋糕、斑兰戚风蛋糕🍰。我地今次点左马来辣虾海鲜汤 掺掺、咖哩喇沙汤配手撕鸡同美禄暴龙可可。马来辣虾海鲜汤掺掺 $118不讲不知，将油面和米粉混合埋就系掺掺，果然有不同口感👍🏻。汤底做得非常出色，系用上鲜甜海虾慢火熬制，汤底既香辣又鲜甜。配料也份量十足，有虾、墨鱼仔、鱿鱼翼、带子、蟹棒，食完大满足。咖哩喇沙汤配手撕鸡 $88汤底呈金黄色，椰奶味浓郁，入口非常惹味，油面面质相当弹牙，份量也不少！当然手撕鸡整煮得相当嫩滑，吸收埋微辣嘅咖喱浓汤，再配上半只鸡蛋及鱼片作点缀，值得推荐！美禄暴龙可可 $32美禄暴龙就系将浓浓嘅美禄（可可）加上冰粒，再在冰粒上洒上美禄粉，因睇起来似暴龙嘅背脊而得名。