犀牛犀牛 (沙田廣場) (已結業)

住喺沙田嘅Ball成日都觉得食来食去都系个几间，毫无新意。不过最近沙田广场装修完成，有好多外卖食店都进驻左喺个到。咁岩又睇到IG Post介绍其中一间，所以就专登去个到睇下有咩野好食。.今次要介绍嘅系一间台式吐司、卷饼专门店——犀牛犀牛。舖头以黄色作主调，配搭木制家具，营造一种柔和、舒服嘅气氛。店内最大特色系运用仿青花瓷图案嘅瓷砖墙，墙上挂上舖头名称，突显舖头次余，仲十分吸睛。.作为一间台式吐司、卷饼专门店咁梗系要试吓佢地嘅吐司啦！所以，Ball就试左佢地嘅芋泥肉松蛋吐司。吐司采用汤种面包，口感比普通面包松软、绵密。香口肉松加上幼滑芋泥，不但食到肉松嘅咸香味，又可以食到芋泥嘅香甜味，简直系绝配。再加上香浓蛋香，令味道都升华。不过，如果芋泥再多番少少，咁就有多啲满足感。.不过提提大家，因为吐司贴卷饼都系即叫即整，所以等候时间会比较耐。同埋朋友都话卷饼都好好食，大家不妨可以上网揾下边间分店近自己，然后去试吓。