煲底海鮮火鍋料理 (已結業)

今日同老公庆祝周年纪念带我试吓高质素嘅火锅于是就拣咗呢间煲底火锅，一入嚟就见到好多Mirror嘅相😍啱晒啲镜粉嚟食饭打卡。椰子花甲蟹锅（ $228 ）呢个蟹锅有好多食材包括咗椰子、花甲、蟹、杂菌及粟米等等，一水滚就饮咗啲汤先，有好浓郁嘅椰子味好饮到饮咗两大碗。吊龙伴（$319 ）牛肉🐮我哋拣咗吊龙伴因为好少食想试吓，果然比较瘦但肉味好浓好正😋自家制蟹黄包同黑松露带子饺各半份（ $129）。爆汁四宝丸（$129）包括左右牛、猪、虾及墨鱼丸四款，全部都有爆浆馅，食嘅时候要小心啲，另外再叫咗三宝饺（$108）有水饺、云吞、同埋韭菜墨鱼饺都唔错！冰火鱿鱼（$108 ）呢款必食推介果然好正！配上甜甜地嘅酱汁加上特色辣酱，味道甜甜地又唔系太辣。饮品叫咗煲底宾治及蜜糖柠檬茶🍋特饮（ $55 ）圆形嘅杯装住好适合打卡👍呢度7:30前埋单仲有七五折，下次可以再嚟试吓其他嘅汤底。