影片
更多
2021-12-11
272 浏览
Thre3 concept 系一间食西式野既铺，之前系蓝地都已经食过一次，但系蓝地真系好唔就脚，就算好想再食多次都好都会因为地点问题而放弃😥😥。而家难得系新墟轻铁站附近开左，咁紧系即刻要去食番次啦😋。入到去仲有个 Mirror corner 比大家影相😳，有齐晒12子既人头陪大家食饭，岩晒比大家黎打卡❤️。鸡翼三重奏2.0（水牛、玫瑰、柚子柠檬）平时食开既鸡翼可能都只系得一只味，但系呢度就可以一次过试晒三种唔同味道既鸡翼😋，分别有水牛、玫瑰同柚子柠檬。水牛鸡翼味道相比其他下系最浓既一款，食入口酸酸辣辣，但系又唔会令人觉得辣到有苦既感觉。玫瑰鸡翼系比较少见既一种👍🏻，味道似系用玫瑰糖浆腌左先再拎去炸，最后面头再洒上玫瑰花碎，食入口玫瑰味都好够重🤤。而柚子柠檬鸡翼就比较普通，因为似系炸完之后用平时冲柚子茶既jam搽上面咁😧。个人黎讲会建议食左玫瑰味先，因为味道比较清，之后就柚子柠檬，最后就系最浓既水牛鸡翼😚。Thre3 芝牛堡（牛汉堡扒、芝士、番茄、罗纹菜、蛋）Burger 配有薯角同沙律菜，薯角有啲令人失望😥，虽然食入口系暖，但系略嫌淋左少少。而芝牛堡单睇就已经好吸引，未切开就见到有啲肉汁
鸡翼三重奏2.0（水牛、玫瑰、柚子柠檬）
平时食开既鸡翼可能都只系得一只味，但系呢度就可以一次过试晒三种唔同味道既鸡翼😋，分别有水牛、玫瑰同柚子柠檬。水牛鸡翼味道相比其他下系最浓既一款，食入口酸酸辣辣，但系又唔会令人觉得辣到有苦既感觉。玫瑰鸡翼系比较少见既一种👍🏻，味道似系用玫瑰糖浆腌左先再拎去炸，最后面头再洒上玫瑰花碎，食入口玫瑰味都好够重🤤。而柚子柠檬鸡翼就比较普通，因为似系炸完之后用平时冲柚子茶既jam搽上面咁😧。个人黎讲会建议食左玫瑰味先，因为味道比较清，之后就柚子柠檬，最后就系最浓既水牛鸡翼😚。
15 浏览
0 赞好
0 留言
Thre3 芝牛堡（牛汉堡扒、芝士、番茄、罗纹菜、蛋）
Burger 配有薯角同沙律菜，薯角有啲令人失望😥，虽然食入口系暖，但系略嫌淋左少少。而芝牛堡单睇就已经好吸引，未切开就见到有啲肉汁流紧出黎😲，非常 juicy。切开之后入面牛汉堡扒份量十足，望落更加多牛肉汁。另外只蛋仲要做到流心既效果👏🏻，已经睇得出佢地做得好有心机。一咬落去，个包明显系有晒过黎，好脆口！一路食啲汁仲一路不停流，虽然食得有啲污糟，但系好食最紧要！建议大家如果食Burger 一定要带定湿纸巾啊🤣🤣。
15 浏览
0 赞好
0 留言
11 浏览
0 赞好
0 留言
喇沙海鲜天使面
就咁睇个卖相已经好多料，有虾、蟹柳、小八爪鱼同喇沙必备既豆卜☺️，好似一个喇沙捞面一样。识食既就一定要食左吸晒汁既豆卜先啦😋，食入口个味道同真正既喇沙汤面真系好似！只系差左少少椰汁味，喇沙味浓再有好轻微既辣，十分之惹味😚。虽然睇落份量好似好少咁，但系两个人share 野食既话，食食下都已经觉得岩岩好👍🏻👍🏻。
46 浏览
0 赞好
0 留言
姜饼鲜奶咖啡
黎得呢类型铺头饮咖啡当然系唔少得啦，姜饼鲜奶咖啡好似唔系到到都见到有得饮。闻落去咖啡味好重好浓，当中仲有微微既姜味☺️☺️。饮落去唔似得其他有味既咖啡咁甜味重过咖啡味，反而今次系咖啡味比姜味更重，完全冇喧宾夺主既感觉👏🏻，主要饮到咖啡味但又可以带有少少姜味，个人黎讲都几特别同好饮😍。
24 浏览
0 赞好
0 留言
张贴
