山下菓子 (T.O.P This is Our Place)

营业中

休息中

位于旺角T.O.P.嘅山下菓子今次同日本人气猫猫mofusand搞主题cafe，场内有几十只甜品造型嘅mofusand猫猫，唔同食物类型亦会有唔同猫猫装饰同赠品，好适合猫迷去打卡嫁🐾主食方面无论饭同意粉都偏辣浓味，香喷喷嘅和牛汉堡蛋包饭上面仲有大大个可爱猫猫手印，影够先舍得食；为咗要个托盘所以叫咗小食拼盘，份量唔算多，薯条同明太子鸡翼炸得好香，猫爪奶油曲奇都几松化。甜品叫咗最爱tiramisu梳乎厘，可惜有少少过熟令外层较厚，食落空气感略为不足，但味道唔错，用料足蛋香味浓。饮品如果拣冻饮会送锁匙扣，热饮会送一只猫猫杯，无论咖啡定花茶类都有嫁，抹茶拿铁奶味浓带微微绿茶香，甜甜地唔会有抹茶过浓嘅苦涩。