Wheatfield X 羅宋湯專門店 (MOKO新世紀廣場) (已結業)

重口味晚餐！星期五嘅晚上，估唔到呢间餐厅冇乜人帮衬，到六点几七点，仲系得两、三枱客人，生意麻麻，我哋食完今餐觉得啲食物调味重手左，应该试过呢次就够，唔会再encore。秘制酱油捞面套餐$85- 呢个捞面套餐抵食过牛脷饭加餐汤、饮品。套餐有猪髀肉海派罗宋汤、手打乌冬、麻辣鸡柳丝，仲有餐饮。首先讲吓麻辣鸡柳丝，辣到我冇左味觉，纯辣味有少少麻，唔香，到最后都系辣到食唔落。酱油捞乌冬太咸，乌冬口感烟韧弹牙，如果少啲酱油就好啦。罗宋汤都系偏咸，胜在有蔬菜食下。鲜茄烩牛脷饭$88- 个人觉得其他冰室、茶餐厅食嘅鲜茄烩牛脷饭好味过呢度，蕃茄汁唔系太鲜茄，牛脷太薄冇乜口感，份量都唔多。餐汤及热饮+$28- 牛腩海派罗宋汤虽然份量还可以接受，但系佢细碗过捞面套餐个罗宋汤，感觉冇咁抵。牛腩肉质好干，麻麻地。