影片
更多
2018-09-03
4989 浏览
又黎到我地既每个月拍拖纪念日喇，今个月就由我请男朋友去食好野喇。(男朋友叫我咁打，但事实系大部分时间都系我请佢食😑😂)AVA Restaurant Slash Bar今次去左食Brunch Semi-Buffet💓餐厅系38层，居高临下，可以望住海景食饭真系好享受。每个Brunch Set 都可以去Buffet Table 任食，包括有餐汤、前菜、沙律、芝士、海鲜、热食等等。而我既喂食男朋友，未拣好Main Course 就冲左出去Buffet Table作战。😂咁轻轻介绍下喇！我地主要食左：生蚝，鲜虾，长脚蟹脚，蜜瓜配Parma Ham，Egg Benedict、鹅肝、Smoked Salmon 等等😋食完Buffet 就差不多接住上主菜，咁就等我讲下Main Course 有乜选择喇，每位都会有半只焗龙虾。龙虾大大只，啖啖虾肉，仲有好多膏。而龙虾钳亦好有肉，不过虾肉就偏咸。主菜餐牌应该每个周末都唔同，因为见到佢有写日期的。今个weekend 既选择有：1）男朋友挚爱既牛 - 烤美国5OZ 牛脊肉 (Medium) 🐂🐄一上菜就先闻到好香既薯条味，仲可以叫Waiter 拎ketchu
AVA Restaurant Slash Bar
今次去左食Brunch Semi-Buffet💓餐厅系38层，居高临下，可以望住海景食饭真系好享受。
每个Brunch Set 都可以去Buffet Table 任食，包括有餐汤、前菜、沙律、芝士、海鲜、热食等等。
而我既喂食男朋友，未拣好Main Course 就冲左出去Buffet Table作战。😂
咁轻轻介绍下喇！我地主要食左：
生蚝，鲜虾，长脚蟹脚，蜜瓜配Parma Ham，Egg Benedict、鹅肝、Smoked Salmon 等等😋
食完Buffet 就差不多接住上主菜，咁就等我讲下Main Course 有乜选择喇，每位都会有半只焗龙虾。龙虾大大只，啖啖虾肉，仲有好多膏。而龙虾钳亦好有肉，不过虾肉就偏咸。
主菜餐牌应该每个周末都唔同，因为见到佢有写日期的。
今个weekend 既选择有：
1）男朋友挚爱既牛 - 烤美国5OZ 牛脊肉 (Medium) 🐂🐄
一上菜就先闻到好香既薯条味，仲可以叫Waiter 拎ketchup and mustard
牛脊肉煎得好靓，唔会硬，亦都好Juicy
2）轻盈之选 - 香煎红鲻鱼🐟
鱼块都唔细，食落好嫰滑。今次真系长知识，原来高级餐厅食鱼唔系用刀切，系用一把类似牛油刀既餐具切鱼块的。但系配鱼既「意大利米状意粉」就好特别，唔系好食得惯滑潺潺既口感，唔识得欣赏添🤐
最后，Buffet Desserts有movenpick 雪糕，有云呢拿、朱古力、士多啤梨with 果肉！！仲有葡挞仔、焦糖布甸、朱古力喷泉等等等等！🍰🍦
最后饮埋杯Tea With Lemon 柠檬茶就饱饱噜。
温馨提示！订位 同 落单都要用英文，所以记得谂好先叫Waiter / waitress。又或者可以带英文好既朋友去咁就无忧无虑喇😉😉
张贴
