Mr. K Pizza N Chicken (已結業)

有咩邪恶得过拉丝pizza？就系同一餐入面食埋炸鸡，我称之为终极肥仔餐。呢间新开嘅pizza店主打各款双倍芝士夹心芝加哥薄饼同埋韩式炸鸡，仲贴心地提供手套方便进食。𖦹 双拼芝加哥薄饼：烧烤派对x蟹肉乐园 $235蟹肉乐园系有蜜糖薄饼边加上大量水牛芝士，拉丝能力max；食落蒜香扑鼻，加上蟹肉蟹柳，以及清新的车厘茄。烧烤派对的BBQ sauce味浓郁，表面满布烤鸡粒、紫洋葱同埋得意的薯角，薄饼边只系食到甜味黑糖味就唔太明显啦。𖦹 蜜糖芥末炸鸡 x 泡菜蛋黄炸鸡 ＄218每款炸鸡各有5件，全部都无骨啖啖肉，外层酥脆，肉质尚算嫩滑。蜜糖芥末酱甜甜辣辣，非常开胃；泡菜蛋黄酱甚具特色，十分惹味，如果酱汁均匀啲则更为理想。