Mr. Right (已結業)

男友带我到元朗食好西揾黎位于西菁街转角位既西班牙餐厅，室内装潢modern，座位空间宽敞，环境恬静舒适~水牛芝士番茄沙律面头以红色及粉红色碎碎既分子料理分开呈鸳鸯色，圆碌碌既藤茄仔及水牛芝士铺面，仲加左d鲜小花伴碟，卖相好靓且有心思蕃茄味既果冻，少少酸咪咪，水牛芝士波波好有口感，配上藤茄仔甜甜的中和返，好开胃! 香煎鹅肝差唔多同多士一样咁厚身入口即溶，同个红酒汁好夹，旁边仲有一小件无花果&红菜头减却油腻感。杂菜蒜片榄油炒意粉虽然睇落斋斋地，但整个意粉充满蒜香及橄榄味、少少辣辣地，再加左罗勒一齐炒，味道好fresh ! 简简单单但却带俾我惊喜西班牙黑毛猪扒经温火慢慢烤煮 ，锁住肉汁，口感松软，肉感丰富。伴碟既千层芝士烧薯好好味，薯仔切得劲薄，仲夹杂著火腿粒及芝士一齐焗第一次食斑兰味既cream brulee肉桂味泡芙外蘸上砂糖，淡淡既斑兰味感觉清新，焦糖面既焗得脆卜卜，炖蛋口感滑滑，甜度适中。无论气氛、环境、食物、服务质素都唔错，下次带埋妈咪一齐黎食先