Haveli Authentic Indian Restaurant (已結業)

哗！最近真系落狗屎，日日落不停落，由头湿到落脚，晚晚都要开抽湿机先得！收完货落楼又系落狗屎，附近想揾到有位既就有入啦，又要医肚又要避雨！印度呢个地方唔太熟，但同公司同生同长既印度哥哥Mr. Singh就几熟，成日讲印度野有几好食，今次就影d相去威威！我同Peggy叫左几款野食，首先系奶油咖哩鸡块，唔好睇个兜少少地，食落都几多！真心有奶油所以食落好滑，好似奶咁滑，咖哩味不太重，系甜咖哩，鸡块份量都多，我地叫左个蒜蓉烤饼一齐送食，烤饼同平时我地食开既好唔同，呢个涨卜卜的，不单止皮脆，咬入里面仲充满口感，好厚好大块，除左蒜蓉，仲有d菜味，好似印度香料咁，拿上手唔觉得油㖞，三大块都系$24，抵食！食一个咖哩点够喉呢？我地叫左白腰果汁咖哩羊肉再加印度香料炒饭。呢个咖哩唔辣，反而好甜，老板话真系用腰果磨的，营养价值高！羊肉好So，但系我就觉得就系呢阵So味加左分！羊肉好松化，唔觉靭播！印度香料炒饭好特别，首先，d米好长，长条形既米，原来系普通米既2至3倍长！除左香料之外，仲有d芫荽tim！加埋一齐几香口！Singh生话我坚叻，识点印度菜～梗系啦，平时听埋听埋，我都识d野架！