影片
更多
2020-03-10
3216 浏览
最近少左出街食飯，所以就可以慳到D錢食D自己之前未食過嘅美食。Mr. Steak嘅牛肉質素一向都係信心保證，所以「Hana華小料理屋」係一間我bookmark左要去食嘅餐廳之一，菜式價錢雖然少貴，但佢嘅和牛質素、烹飪水準絕對係物超所值。日本A3和牛壽喜燒鍋套餐，包括有：季節小缽、漬物二點、和風沙律、蒸蛋、日本A3和牛壽喜燒鍋、日本米白飯、日本茶、味噌湯、精選甜品、餐飲。日本A3和牛網燒御膳套餐，包括有：季節小缽、漬物二點、和風沙律、蒸蛋、日本A3和牛網燒、日本米白飯、日本茶、味噌湯、精選甜品、餐飲，日本A3和牛壽喜燒鍋，師傅會將已加熱嘅鍋內塗上牛脂，加入秘制醬汁、純米吟釀，再將特選產地直送和牛已預先放入鍋內，俾壽喜燒湯底浸至半熟狀態，所以和牛嘅顏色依然粉嫩，口感幼軟，牛味濃郁，油脂分布平均，和牛油脂較多嘅部分，口感軟嫩至可以入口即化，沾上日本嘅生雞蛋蛋黃食用口感更加豐潤、渾厚、滑溜，而牛肉嘅味道更會滲出淡淡蛋香；壽喜燒湯底味道香甜、醬油味道濃郁，鍋中附有多款新鮮配料例如：葛絲、娃娃菜、冬菇、豆腐、洋蔥、大蔥、金菇等等，各款食材盡吸湯底精華、好入味、口感好軟腍。日本A3和牛網燒御膳，和牛
日本A3和牛壽喜燒鍋，師傅會將已加熱嘅鍋內塗上牛脂，加入秘制醬汁、純米吟釀，再將特選產地直送和牛已預先放入鍋內，俾壽喜燒湯底浸至半熟狀態，所以和牛嘅顏色依然粉嫩，口感幼軟，牛味濃郁，油脂分布平均，和牛油脂較多嘅部分，口感軟嫩至可以入口即化，沾上日本嘅生雞蛋蛋黃食用口感更加豐潤、渾厚、滑溜，而牛肉嘅味道更會滲出淡淡蛋香；壽喜燒湯底味道香甜、醬油味道濃郁，鍋中附有多款新鮮配料例如：葛絲、娃娃菜、冬菇、豆腐、洋蔥、大蔥、金菇等等，各款食材盡吸湯底精華、好入味、口感好軟腍。
日本A3和牛網燒御膳，和牛脂肪比例分布均勻，肉質軟嫩，肉味濃厚，連配燒汁食用更加美味；A3和牛燒至五成熟，邊位燒焦，油花分明，油脂香度十足，微微細嚼油脂已化口中；旁邊仲有其他燒物，例如大葱、蘆筍、南瓜、冬菇、洋葱，燒得啱啱好，食落覺得唔會太乾。
季節小缽，蘿蔔絲口感清爽、味道清甜。
漬物二點，有3種醃泡漬物，味道酸酸地、好開胃，有1種漬物外觀係花型、特別精緻。
和風沙律，蔬菜新鮮、爽脆，帶點黑椒味道，配上黑醋食用，味道清新。
蒸蛋，口感白滑，味道好重雞蛋味之外，因為有銀杏、蝦肉、冬菇、香蔥等等食材嘅加入，額外有股咸香味道。
日本白米飯，飯粒粒粒分明，味道甘甜。
日本茶，茶味濃而清淨。
味噌湯，味道濃醇，有柴魚片、昆布。
精選甜品，北海道牛奶布丁，奶味濃而不膩，質感滑溜。
即磨咖啡，味道香濃，可按自己嘅喜好加入適量牛奶。
檸檬水，餐飲除左咖啡仍有多款選擇。
张贴
